बलिउड अभिनेता अर्जुन कपुर दोस्रो पटक कोरोना संक्रमित

एजेन्सी, १४ पुस । बलिउड अभिनेता अर्जुन कपुर कोरोना संक्रमित भएका छन् । उनी दोस्रो पटक कोरोना संक्रमित भएका हुन् ।
अर्जुनसँगै उनकी बहिनी अंशुला कपूर, सोनम कपूरकी बहिनी रिया कपूर र उनका पति करण बुलानीलाई पनि कोरोना देखिएको छ ।
रिपोर्ट आउनुभन्दा दुई दिनअघि अर्जुन करिश्मा कपूरको घरमा आयोजित क्रिसमस पार्टीमा सहभागी भएका थिए ।
मलाइका अरोरा पनि प्रेमी अर्जुन कपूरसँग करिश्माको क्रिसमस पार्टीमा पुगेकी थिइन् । करिश्माको घर बाहिर करिश्माले पापाराजीलाई बिनामास्क धेरै पोज दिएकी थिइन् ।

