एजेन्सी, ७ पुस । बलिउड अभिनेत्री कट्रिना कैफ र विक्की कौशलले ९ डिसेम्बरमा विवाह गरेका थिए ।

कट्रिनाले विवाहपछि सलमान खानको ‘टाइगर ३’ को सट्टा निर्देशक श्रीराम राघवनको ‘मेरी क्रिसमस’को सुटिङ सुरु गर्ने भएकी छन् ।

भारतीय सञ्चारमाध्यमका अनुसार उनी यसै सातादेखि ‘मेरी क्रिसमस’ को सुटिङका लागि सेटमा आउने छिन् । मुम्बईको स्टुडियोमा फिल्मको सुटिङ शेड्युल तय गरिएको बताइएको छ ।

कट्रिना र विक्कीले नोभेम्बरको अन्त्यमा विवाहका लागि सुटिङबाट ब्रेक लिएका थिए । अब कट्रिना आफ्नो व्यवसायिक प्रतिबद्धता पूरा गर्न छिट्टै काममा फर्किने भएकी हुन् ।

यता, विक्कीले हालै आफ्नो आगामी फिल्म ‘साम बहादुर’ को सुटिङ सुरु गरेका छन् ।