सर्लाही, ५ पुस । सर्लाहीमा सोमबार बिहान ट्रकले ठक्कर दिँदा एक विद्यार्थीको मृत्यु भएको छ ।

पूर्वपश्चिम लोकमार्गअन्तर्गत सर्लाहीको लालबन्दी नगरपालिका–९ बस्तीपुर चोकमा पश्चिमतर्फ जाँदै गरेको ना ३ ख ७९९० नम्बरको ट्रकले ठक्कर दिँदा स्थानीय जनज्योति माविमा कक्षा ९ मा अध्ययनरत चन्द्रनगर गाउँपालिका–१ का १६ वर्षीय दीपेन्द्रकुमार यादवको मत्यु भएको हो ।

इलाका प्रहरी कार्यालय लालबन्दीका प्रहरी निरीक्षक निर्मल थापाले ट्युसन पढ्न जाने क्रममा हिँडिरहेका उनलाई ट्रकले ठक्कर दिएको जानकारी दिए ।

ठक्कर दिने ट्रक र चालकलाई प्रहरीले नियन्त्रण लिएको र घटना सम्बन्धमा थप अनुसन्धान भईरहेको प्रहरीले जनाएको छ ।