एजेन्सी, २७ मंसिर । बलिउड अभिनेत्री करिना कपुर खान र अमृता अरोडा कोरोना संक्रमित भएकी छन् ।

केही दिनदेखि बलिउडका कयौं पार्टीमा सहभागी दुवै अभिनेत्रीले अहिले आफुलाई आइसोलेट गरेकी छन् । करिनाले आफ्नो गल्र्स ग्याङ्का साथ ७ डिसेम्बरमा पार्टी गरेकी थिइन् ।

पार्टीमा उनकी दिदी करिश्मा कपुर, मलाइका अरोडा समेत सहभागी थिइन् । अनिल कपुरको घरमा पनि प्रि क्रिसमस पार्टी भएको थियो । जसमा करिश्मा कपुर, मलाईका अरोडा, अर्जुन कपुर, मसाबा गुप्ता सामेल थिए ।

बिएमसीले करिना र अमृताको सम्पर्कमा आउने सबैलाई पिसिआर टेस्ट गर्न अपिल गरेको छ । करिना र अमृता करण जौहरको पार्टीमा पनि सहभागी थिए । बिएमसीले उक्त पार्टीमा सहभागी सबैमा कन्ट्याक ट्रेसिङ सुरु गरेको छ ।