काठमाडौं, १६ मंसिर । कोरोना महामारीका कारण दुई वर्षदेखि शान्त बनेको चलचित्र क्षेत्र अब विस्तारै अघि बढ्न खोजिरहँदा अभिनेता प्रशान्त गिरी चलचित्र ‘बजरंगी’ निर्माण गर्ने तयारीमा लागेका छन् ।

चाँडै सिनेमा निर्माण तथा अभिनयमा पनि फर्किने उनले बताए । उनले ‘बाउन्सर’ रिलिज लगत्तै निर्माण घोषणा गरेका चलचित्र ‘बजरंगी’ को काम अगाडि बढाउने भएका हुन् ।

हाल यो चलचित्रको स्क्रिप्ट लेखनको काम भइरहेको र अर्को वर्षदेखि छायांकन जाने उनको भनाइ छ ।

चलचित्र ‘थ्याकंयु’ बाट नेपाली सिनेमा जगतमा प्रवेश गरेका गिरीले हरर चलचित्र ‘साइनो’ मा मुख्य अभिनेताको रूपमा काम गरेका थिए ।