कञ्चनपुर, ३ कार्तिक । जंगली हात्तीको आक्रमणबाट एकाबिहानै एक दम्पतीको मृत्यु भएको छ ।

जङ्गली हात्तीको आक्रमणबाट जिल्लाको शुक्लाफाँटा नगरपालिका-१२ वसन्तपुर बस्ने ६६ वर्षीय ध्वजबहादुर कार्की र उनकी श्रीमती ५३ वर्षीया मधुरा कार्कीको मृत्यु भएको हो ।

जंगली हात्ती गाउँ पसेर आक्रमण गर्दा दुबैजनाको मृत्यु भएको इलाका प्रहरी कार्यालय झलारीका प्रहरी निरीक्षक कर्ण बोहराले जानकारी दिए ।

घटनास्थलमा पुगेर प्रहरीले अनुसन्धान थालेको जनाएको छ ।