काठमाडौं । नेपालमा पछिल्लो २४ घण्टामा थप ५९१ जना कोरोनाका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार पीसीआर र एन्टीजेन गरी ९ हजार ६९७ नमुना परीक्षण गर्दा सो संख्यामा संक्रमण पुष्टि भएको हो ।

पछिल्लो २४ घण्टामा ७ हजार ६ सय ५४ पिसिआर परिक्षणका क्रममा ५२३ र २ हजार ४३ एन्टीजेन परिक्षणका क्रममा ६८ जनामा संक्रमण पुष्टि भएको मन्त्रालयले जनाएको छ । नेपालमा कोरोना संक्रमितको कुल संख्या ८ लाख ९८ हजार ९९० पुगेको छ ।

पछिल्लो २४ घण्टामा ९३७ जना संक्रमणमुक्त भएका छन् । योसँगै नेपालमा संक्रमणमुक्त हुनेको संख्या ७ लाख ८२ हजार ३९३ पुगेको छ । हाल सक्रिय संक्रमितको संख्या ११ हजार ८७४ रहेको छ ।

मन्त्रालयका अनुसार पछिल्लो २४ घण्टामा कोरोना संक्रमणबाट ९ जनाको मृत्यु भएको छ । हालसम्म नेपालमा ११ हजार २ सय ९३ जनाले कोरोनाका कारण ज्यान गुमाएका छन् ।

हाल ११ हजार ८७४ सक्रिय संक्रमित आइसोलेसनमा र २२९ जना क्वारेन्टाइनमा रहेको मन्त्रालयले जनाएको छ ।