बहुप्रतिक्षित ‘जय सियाराम’ को लोकार्पण

जनकपुरधाम । उद्योग पर्यटन तथा वन मन्त्रालय प्रदेश २ को पर्यटन प्रर्बद्धनात्मक प्रचारप्रसार कार्यक्रम अन्तर्गतको सहयोगमा मिथिलाका प्रसिद्ध गीतकार अशोक दत्तद्वारा लिखित बहुप्रतिक्षित ‘जय सियाराम’ गीती एल्बमको लोकार्पण गरिएको छ ।
नवरश मिडिया प्रालिको प्रस्तुती तथा लोकसमाज जनकपुर र पिएमपीको सहकार्यमा निर्मित यस गीती एल्बमको मंगलबार जनकपुरधामस्थित गिरिजा चलचित्र मन्दिरमा लोकार्पण गरिएको हो ।
यो गीत मैथिलीको अहिलेसम्मको इतिहासमा सबैभन्दा लामो अवधिको गीत रहेको संगीतकार सुनिल मल्लिकले दावी गरे । यस गीतको भिडियोमा १०० जना भन्दर बढि कलाकारले अभिनय गरेका छन् ।
गीतकार अशोक दत्तद्वारा लिखित यस गीतमा संगीत सुनिल प्रवेशको रहेको छ भने सुनिल मल्लिक, पार्थ मल्लिक, नेहा प्रियदर्शनी, रामनारायण ठाकुरलगायतका गायक गायिकाहरुले गीतमा आ–आफ्नो स्वर दिएका छन् ।
यस गीती एल्बमको निर्देशन निशान्त मल्लिक र निहारिका मल्लिकले गरेका छन् ।
नवरश मिडिया प्रालिले मिथिला र मैथिलीको विकास तथा पर्यटन प्रबद्र्धनका लागि यसअघि ‘याह छि हम्मर जनकपुर, पावन धनुषाधाम, हम बियाह नहि करब, काँच बासन, वैदेशिक रोजगार सम्बन्धि दुई वटा गीतलगायतका विभिन्न एल्बमहरु निर्माण गरिसकेका छन् भने कतियौं एल्बमहरु निर्माणको क्रममा समेत रहेका छन् ।

